ಫೌಂಡೇಷನ್ನಲ್ಲಿ ನಿಮಗೆ ಹಲವು ಆಸಕ್ತಿಕರ ವೃತ್ತಿ ಅವಕಾಶಗಳಿವೆ
ಪ್ರತಿಯೊಂದು ಪಾತ್ರವೂ ವೃತ್ತಿಪರ ತೃಪ್ತಿ ಹಾಗೂ ಸಾಮಾಜಿಕ ಬದ್ಧತೆ ಮತ್ತು ಉದ್ದೇಶಗಳ ಸಮ್ಮಿಳನಕ್ಕೆ ಅವಕಾಶ ಕಲ್ಪಿಸುತ್ತದೆ.
ಫೌಂಡೇಷನ್ನಲ್ಲಿ ವೃತ್ತಿ ಅವಕಾಶಗಳು
ಫೌಂಡೇಷನ್ನ ಪ್ರತಿಯೊಂದು ಪಾತ್ರದಲ್ಲಿಯೂ ಸಾಮಾಜಿಕ ಬದ್ಧತೆ ಹಾಗೂ ಉತ್ಕೃಷ್ಟತೆಯತ್ತ ಕೊಂಡೊಯ್ಯುವ ವೃತ್ತಿಪರ ಚಾಲನೆ ಹಾಗೂ ಅರ್ಥಪೂರ್ಣ ಕೆಲಸಗಳು ಜೊತೆಜೊತೆಗೆ ಕಾಣಿಸಿಕೊಳ್ಳುತ್ತವೆ. ಶಿಕ್ಷಣ, ಆರೋಗ್ಯ ಹಾಗೂ ಜೀವನೋಪಾಯ ನಿರ್ವಹಣೆಯ ಕ್ಷೇತ್ರದಲ್ಲಿ ನಮ್ಮ ವಿಸ್ತಾರವಾದ ಹಾಗೂ ವ್ಯಾಪಕವಾದ ತೊಡಗುವಿಕೆಯು ಕೌಶಲ್ಯ ಮತ್ತು ಬದ್ಧತೆಗಳುಳ್ಳ, ಜ್ಞಾನ ಹೊಂದಿದ ಹಾಗೂ ಸಾಮಾಜಿಕ ಪ್ರಜ್ಞೆಯುಳ್ಳ ಕಾರ್ಯಕರ್ತರನ್ನು ಅಪಾರ ಸಂಖ್ಯೆಯಲ್ಲಿ ಬಯಸುತ್ತದೆ.
ನಮ್ಮ ಕಾರ್ಯನಿರ್ವಹಣೆಯ ಪ್ರದೇಶಗಳು ಭಾರತದಾದ್ಯಂತ ವಿಸ್ತರಿಸಿಕೊಂಡಿದ್ದು, ಕೆಲವು ಅತ್ಯಂತ ಸವಾಲಿನ ಹಾಗೂ ತಲುಪಲು ಕಷ್ಟವಾದ ಸ್ಥಳಗಳನ್ನು ಕೂಡ ಒಳಗೊಂಡಿದೆ. ಇದು ಅನೇಕ ಭೌಗೋಳಿಕ, ಸಾಂಸ್ಕೃತಿಕ, ಭಾಷಿಕ ಹಾಗೂ ಇತರ ಪ್ರಾದೇಶಿಕ ವೈವಿಧ್ಯತೆಗಳಿಗೆ ನಮ್ಮನ್ನು ಅನನ್ಯವಾದ ರೀತಿಯಲ್ಲಿ ಪರಿಚಯಿಸುತ್ತದೆ. ಬೆಂಬಲ ನೀಡುವವರು (ಎನೇಬ್ಲರ್ಸ್), ಶಿಕ್ಷಕರು, ಸಂಶೋಧಕರು, ಅನುವಾದಕರು ಅಥವಾ ಕ್ಷೇತ್ರದಲ್ಲಿನ ಅಸೋಸಿಯೇಟ್ ಗಳು ಈ ಎಲ್ಲರ ಪಾತ್ರಗಳನ್ನೂ ಹಾಗೂ ಜವಾಬ್ದಾರಿಗಳನ್ನು ಬೆಸೆದಿರುವ ಏಕಮಾತ್ರ ಸೂತ್ರವೆಂದರೆ ಅದು ನ್ಯಾಯಯುತ, ಸಮಾನ, ಮಾನವೀಯ ಮತ್ತು ಸುಸ್ಥಿರ ಸಮಾಜದ ನಿರ್ಮಾಣದ ಕಾಣ್ಕೆಗೆ ಫೌಂಡೇಷನ್ ಹೊಂದಿರುವ ಬದ್ಧತೆಯಾಗಿದೆ.

ನೀವು ಅತ್ಯುತ್ಸಾಹದ ಮತ್ತು ಅತ್ಯುತ್ತಮ ಅರ್ಹತೆಯುಳ್ಳ ಸದಸ್ಯರ ತಂಡದೊಂದಿಗೆ ತೊಡಗಿಸಿಕೊಳ್ಳುತ್ತೀರಿ. ವಿವಿಧ ಹಿನ್ನೆಲೆಗಳು, ಸಂಸ್ಕೃತಿಗಳು ಮತ್ತು ಪರಿಣಿತಿಯ ಕ್ಷೇತ್ರಗಳಿರುವ ಜನರು ಒಂದು ಸಾಮಾನ್ಯ ಉದ್ದೇಶದಿಂದ ಒಂದಾಗಿರುವ ಬಹು ವೈವಿಧ್ಯದ ಪರಿಸರದ ಅನುಭವವನ್ನು ಪಡೆಯುತ್ತೀರಿ.
ಇದು ಒಂದು ಕಲಿಯುವ, ಓದುವ, ಪ್ರತಿಫಲಿಸುವ, ಹಾಗೂ ಶಿಕ್ಷಣ, ಅಭಿವೃದ್ಧಿ, ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದ ಪರಿಕಲ್ಪನೆಗಳೊಂದಿಗೆ ತೊಡಗಿಸಿಕೊಳ್ಳುವ ಸಂಸ್ಕೃತಿ.
ನಮ್ಮ ವೃತ್ತಿ ಪರಿಸರದಲ್ಲಿ, ಪ್ರತಿಯೊಬ್ಬ ಸದಸ್ಯರ ವೈಯಕ್ತಿಕ ಬೆಳವಣಿಗೆ ಮತ್ತು ಕ್ಷೇಮಗಳ ಪೋಷಣೆಯ ಜೊತೆಗೆ ವಿಸ್ತೃತ ಸಂಭಾವನೆಯ ಪ್ಯಾಕೇಜ್ ಕೂಡ ಇದೆ.
ನೀವು ಸಮಾಜಕ್ಕೆ ಕೊಡುಗೆ ನೀಡಲು ಸಿದ್ಧರಿದ್ದೀರ? ಬನ್ನಿ, ನಮ್ಮ ಕ್ಷೇತ್ರ ಕಾರ್ಯದ ತಂಡವನ್ನು ಸೇರಿರಿ
ಕ್ಷೇತ್ರ ಕಾರ್ಯದಲ್ಲಿ ಇರುವ ಉದ್ಯೋಗಾವಕಾಶಗಳಿಗೆ ಸಾಮಾಜಿಕ ಕ್ಷೇತ್ರಕ್ಕೆ ಕೊಡುಗೆ ನೀಡುವ ಉತ್ಸಾಹವಿರುವ ಅಭ್ಯರ್ಥಿಗಳು ಬೇಕಾಗಿದ್ದಾರೆ.
ದಯವಿಟ್ಟು ಗಮನಿಸಿ:
- ಅಜೀಂ ಪ್ರೇಮ್ಜಿ ಶಾಲೆಗಳಿಗೆ ಶಿಕ್ಷಕರು
ಸಾಂವಿಧಾನಿಕ ಮೌಲ್ಯಗಳಲ್ಲಿ ಬೇರೂರಿರುವ ಉತ್ತಮ ಗುಣಮಟ್ಟದ K-12 ಶಿಕ್ಷಣ ನೀಡಿ | ಮತ್ತಷ್ಟು ತಿಳಿಯಿರಿ ಮತ್ತು ಅರ್ಜಿ ಸಲ್ಲಿಸಿ
- ಸಂಪನ್ಮೂಲ ವ್ಯಕ್ತಿ – ಶಾಲಾ ಶಿಕ್ಷಣ | ಮತ್ತಷ್ಟು ತಿಳಿಯಿರಿ ಮತ್ತುಅರ್ಜಿ ಸಲ್ಲಿಸಿ
ತಳಸ್ತರದಲ್ಲಿ ಕೆಲಸ ಮಾಡಿ ಸರ್ಕಾರಿ ಶಾಲಾ ವ್ಯವಸ್ಥೆಯ ಗುಣಮಟ್ಟವನ್ನು ಸುಧಾರಿಸಲು ಸಹಕರಿಸಿ
- ಸಂಪನ್ಮೂಲ ವ್ಯಕ್ತಿ – ಆರೋಗ್ಯ | ಮತ್ತಷ್ಟು ತಿಳಿಯಿರಿ ಮತ್ತು ಅರ್ಜಿ ಸಲ್ಲಿಸಿ
ಸಾರ್ವಜನಿಕ ಆರೋಗ್ಯ ವ್ಯವಸ್ಥೆಯ ಜೊತೆಗೆ ಕೆಲಸ ಮಾಡಿ ಆರೋಗ್ಯ ಸೇವೆಗಳ ಲಭ್ಯತೆಯನ್ನು ಉತ್ತಮಗೊಳಿಸಲು ಸಹಕರಿಸಿ
- ಸಂಪನ್ಮೂಲ ವ್ಯಕ್ತಿ – ಜೀವನೋಪಾಯಗಳು | ಮತ್ತಷ್ಟು ತಿಳಿಯಿರಿ ಮತ್ತು ಅರ್ಜಿ ಸಲ್ಲಿಸಿ
ಸೆಂಟ್ರಲ್ ಆದಿವಾಸಿ ಬೆಲ್ಟ್ನಲ್ಲಿ ಕೆಲಸ ಮಾಡಿ ಅಲ್ಲಿನ ಕುಟುಂಬಗಳು ತಮ್ಮ ಆದಾಯವನ್ನು ಹೆಚ್ಚಿಸಿಕೊಳ್ಳಲು ಸಹಕರಿಸಿ
ಶಾಲಾ ಶಿಕ್ಷಕರು ಮತ್ತು ಸಂಪನ್ಮೂಲ ವ್ಯಕ್ತಿ – ಶಾಲಾ ಶಿಕ್ಷಣ ಸ್ಥಾನಗಳಿಗೆ ಅರ್ಜಿ ಸಲ್ಲಿಸುತ್ತಿರುವ ಅಭ್ಯರ್ಥಿಗಳು ಪ್ರತಿ ಶನಿವಾರ ನಡೆಯುವ ನಮ್ಮ ಆನ್ಲೈನ್ ಪರೀಕ್ಷೆಯನ್ನು ತೆಗೆದುಕೊಳ್ಳಬಹುದು.
ಶಾಲಾ ಶಿಕ್ಷಕರಾಗಲು ಬಯಸುವಿರಾ?
ಛತ್ತೀಸ್ಗಢ, ಜಾರ್ಖಂಡ್, ಕರ್ನಾಟಕ, ರಾಜಸ್ಥಾನ ಮತ್ತು ಉತ್ತರಾಖಂಡ್ ರಾಜ್ಯಗಳಾದ್ಯಂತ ಇರುವ ನಮ್ಮ ಅಜೀಂ ಪ್ರೇಮ್ಜಿ ಶಾಲೆಗಳಲ್ಲಿ ಕೆಲಸ ಮಾಡಲು ನಿಮ್ಮ ಅವಕಾಶ.
ನಮ್ಮ ಶಾಲೆಗಳು, K-12 ಶಿಕ್ಷಣವನ್ನು ಸುಧಾರಿಸುವ ಮತ್ತು ಸಂವಿಧಾನದ ಮೌಲ್ಯಗಳನ್ನು ಬೆಳೆಸುವುದರ ಮೇಲೆ ಒತ್ತು ನೀಡಿ ಗುಣಮಟ್ಟದ ಶಿಕ್ಷಣವನ್ನು ಒದಗಿಸುವ ನಮ್ಮ ಧ್ಯೇಯದ ಪ್ರಮುಖ ಭಾಗವಾಗಿವೆ.
ನಮ್ಮ ಶಿಕ್ಷಕರು ಹೇಳುವುದನ್ನು ಕೇಳಿ:
ಅರ್ಹತೆ:
- ಪೂರ್ವ ಪ್ರಾಥಮಿಕ ಹಂತ: ಪದವಿ ಜೊತೆಗೆ ಎನ್ಟಿಟಿ / ಮಾಂಟೆಸ್ಸರಿ ಅಥವಾ ತತ್ಸಮಾನ ಶಿಕ್ಷಕರ ತರಬೇತಿ ಕೋರ್ಸ್
- ಪ್ರಾಥಮಿಕ ಹಂತ: ಪದವಿ ಜೊತೆಗೆ ಡಿ.ಎಡ್ / ಡಿ.ಎಲ್.ಎಡ್ / ಬಿ.ಎಡ್
- ಉನ್ನತ ಪ್ರಾಥಮಿಕ ಹಂತ: ಸಂಬಂಧಪಟ್ಟ ವಿಷಯದಲ್ಲಿ ಪದವಿ ಜೊತೆಗೆ ಬಿ.ಎಡ್
- ಪ್ರೌಢ ಮತ್ತು ಉನ್ನತ ಪ್ರೌಢ ಹಂತ: ಸಂಬಂಧಪಟ್ಟ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಜೊತೆಗೆ ಬಿ.ಎಡ್
- ಸ್ಥಳೀಯ ಭಾಷೆ ಮತ್ತು ಇಂಗ್ಲಿಷ್ನಲ್ಲಿ ಪ್ರಾವೀಣ್ಯತೆ
- ಕನಿಷ್ಠ ಎರಡು ವರ್ಷಗಳ ಬೋಧನಾ ಅನುಭವ
ಹೆಚ್ಚಿನ ವಿವರಗಳಿಗಾಗಿ ಮತ್ತು ಅರ್ಜಿ ಸಲ್ಲಿಸಲು: https://bit.ly/SchoolTeacher-All
ಉದ್ಯೋಗಾವಕಾಶಗಳಿಗೆ ಸಂಬಂಧಿಸಿದ ಪ್ರಶ್ನೆಗಳನ್ನು ಇಲ್ಲಿಗೆ ಈಮೇಲ್ ಮಾಡಿ: [email protected]
ಅಜೀಂ ಪ್ರೇಮ್ಜಿ ಸ್ಕಾಲರ್ಶಿಪ್ ತಂಡವನ್ನು ಸೇರಿ!
ನಾವು ಈ ಕೆಳಗಿನ ಹುದ್ದೆಗಳಿಗಾಗಿ ಅರ್ಜಿಗಳನ್ನು ಆಹ್ವಾನಿಸುತ್ತಿದ್ದೇವೆ:
ಅಸೋಸಿಯೇಟ್: ಅರ್ಜಿ ಪ್ರಕ್ರಿಯೆಗೆ ನೆರವು ನೀಡುವುದು, ಡೇಟಾಬೇಸ್ ನಿರ್ವಹಿಸುವುದು ಮತ್ತು ಸ್ಕಾಲರ್ಶಿಪ್ ಅರ್ಜಿದಾರರೊಂದಿಗೆ ಸಂಪರ್ಕದಲ್ಲಿರುವುದು.
ಅರ್ಹತೆ:
- 2 ರಿಂದ 5 ವರ್ಷಗಳ ಕೆಲಸದ ಅನುಭವ.
- ಎಂಎಸ್ ಸ್ವೀಟ್ (ಎಕ್ಸೆಲ್, ವರ್ಡ್ ಮತ್ತು ಪವರ್ಪಾಯಿಂಟ್) ಬಳಕೆಯಲ್ಲಿ ಪ್ರಾವೀಣ್ಯತೆ.
- ಇಂಗ್ಲಿಷ್ ಹಾಗೂ ಒಂದು ಅಥವಾ ಒಂದಕ್ಕಿಂತ ಹೆಚ್ಚು ಪ್ರಾದೇಶಿಕ ಭಾಷೆಗಳಲ್ಲಿ ಪ್ರಾವೀಣ್ಯತೆ ಹೊಂದಿದ್ದರೆ ಒಳ್ಳೆಯದು.
ಸಂಪನ್ಮೂಲ ವ್ಯಕ್ತಿ: ಅಜೀಂ ಪ್ರೇಮ್ಜಿ ಸ್ಕಾಲರ್ಶಿಪ್ನ ಸ್ಥಳೀಯ ಮಟ್ಟದ ಕಾರ್ಯಾಚರಣೆಗಳಲ್ಲಿ ನೆರವಾಗುವುದು ಮತ್ತು ಅವುಗಳನ್ನು ನಿರ್ವಹಿಸುವುದು.
ಅರ್ಹತೆ:
- 6+ ವರ್ಷಗಳ ಸಂಬಂಧಿತ ಅನುಭವ. ಅಭಿವೃದ್ಧಿ ಕ್ಷೇತ್ರ, ಬ್ಯಾಂಕಿಂಗ್, ಬಿಪಿಒ, ಶಿಕ್ಷಣ ಅಥವಾ ಹೋಟೆಲ್ ಉದ್ಯಮ ಕ್ಷೇತ್ರಗಳಲ್ಲಿ ಕೆಲಸ ಮಾಡಿರುವ ಅನುಭವವಿದ್ದರೆ ಒಳ್ಳೆಯದು.
- ಬಹು-ಸಹವರ್ತಿ ಪ್ರಕ್ರಿಯೆಗಳನ್ನು ನಡೆಸಿದ ಅನುಭವದೊಂದಿಗೆ, ಬಲವಾದ ಕಾರ್ಯಾಚರಣೆ ಮತ್ತು ಸಮನ್ವಯ ಕೌಶಲಗಳು.
- ದೊಡ್ಡ ಡೇಟಾಸೆಟ್ಗಳನ್ನು ನಿರ್ವಹಿಸುವ, ಡೇಟಾ ಕ್ಲೀನಿಂಗ್, ವಿಶ್ಲೇಷಣೆ ಮಾಡುವ ಮತ್ತು ಅದರಿಂದ ಒಳನೋಟಗಳನ್ನು ಕಂಡುಕೊಳ್ಳುವುದರಲ್ಲಿ ಸಾಬೀತು ಪಡಿಸಿರುವ ಸಾಮರ್ಥ್ಯ.
- ಇಂಗ್ಲಿಷ್ ಹಾಗೂ ಒಂದು ಅಥವಾ ಒಂದಕ್ಕಿಂತ ಹೆಚ್ಚು ಪ್ರಾದೇಶಿಕ ಭಾಷೆಗಳಲ್ಲಿ ಪ್ರಾವೀಣ್ಯತೆ ಹೊಂದಿದ್ದರೆ ಒಳ್ಳೆಯದು.
ಫೌಂಡೇಷನ್ ನಲ್ಲಿ ಜೀವನ
ಹೆಚ್ಚು ನ್ಯಾಯಯುತ, ಸಮಾನ, ಮಾನವಿಕಮತ್ತು ಸುಸ್ಥಿರ ಸಮಾಜದ ನಿರ್ಮಾಣಕ್ಕೆಕೊಡುಗೆ ನೀಡಲು, ನಾವು ಅತ್ಯಂತಅವಕಾಶರಹಿತ ಮತ್ತು ಅತ್ಯಂತ ಕಡಿಮೆಬೆಂಬಲ ಇರುವ ಪ್ರದೇಶಗಳಲ್ಲಿ ಕೆಲಸಮಾಡುತ್ತೇವೆ. ನಮ್ಮ ಉದ್ದೇಶದ ಆಳವಾದ ಪ್ರಜ್ಞೆ ಮತ್ತು ನಾವು ಸೇವೆ ಮಾಡುವ ಸಮುದಾಯಗಳಲ್ಲಿ ಒಂದು ಧನಾತ್ಮಕ ಬದಲಾವಣೆಯನ್ನು ತರಲು ಇರುವ ಬದ್ಧತೆಗಳಿಂದ ನಾವು ಪ್ರೇರೇಪಿಸಲ್ಪಟ್ಟಿದ್ದೇವೆ.
ನಮ್ಮ ಚಟುವಟಿಕೆಗಳು ಹಾಗೂ ಮಧ್ಯಪ್ರವೇಶಗಳ ವ್ಯಾಪ್ತಿ ಹಾಗೂ ದೇಶದಾದ್ಯಂತ ಇರುವ ನಮ್ಮ ವ್ಯಾಪಕ ಕಾರ್ಯ ಚಟುವಟಿಕೆಗಳಿಂದಾಗಿ ನಮ್ಮ ತಂಡಗಳು ಹಲವಾರು ಸಾಮರ್ಥ್ಯಗಳನ್ನು ಹಾಗೂ ವಿವಿಧ ಮಟ್ಟಗಳ ಅನುಭವವನ್ನು ಹೊಂದಿರುವ ಸದಸ್ಯರುಗಳನ್ನು ಒಳಗೊಂಡಿದೆ. ನಮ್ಮ ತಂಡಗಳು ತಮ್ಮ ಅವಿರತ ಕಾರ್ಯ ಹಾಗೂ ಪರಿಶ್ರಮಗಳ ಮೂಲಕ ಫೌಂಡೇಷನ್ನ ಪ್ರತಿಯೊಂದು ಕಾರ್ಯಕ್ಕೂ ನೆರವು ನೀಡುತ್ತವೆ.
ಕ್ಷೇತ್ರ ಮಟ್ಟದಲ್ಲಿ ನಮ್ಮ ಸಂಪನ್ಮೂಲ ವ್ಯಕ್ತಿಗಳು ಹಾಗೂ ಬೆಂಬಲ ಒದಗಿಸುತ್ತಿರುವವರಿಂದ ಹಿಡಿದು ಅಜೀಂ ಪ್ರೇಮ್ಜಿ ಶಾಲೆಗಳಲ್ಲಿ ಕೆಲಸ ಮಾಡುತ್ತಿರುವ ಶಿಕ್ಷಕರು ಅಥವಾ ನಮ್ಮ ಅನುವಾದಕರಿಂದ ಹಿಡಿದು ನಮ್ಮ ಸಂಶೋಧಕರವರೆಗೂ ಪ್ರತಿಯೊಬ್ಬ ಸದಸ್ಯರಿಗೂ ಸಹ ನಮ್ಮ ಫೌಂಡೇಷನ್ನ ಲ್ಲಿ ಸ್ಪಷ್ಟವಾಗಿ ನಿರೂಪಿಸಲಾದ ಪಾತ್ರವಿದೆ. ಕೌಶಲ್ಯಗಳು ಹಾಗೂ ಜ್ಞಾನ, ಸಾಮರ್ಥ್ಯಗಳು ಹಾಗೂ ಪದವಿಗಳು ಇವುಗಳನ್ನು ಹೊಂದಿರುವುದು ಮಾತ್ರವಲ್ಲದೆ ನಮ್ಮ ಸದಸ್ಯರು ಸಾಮಾಜಿಕ ಧ್ಯೇಯದಿಂದಲೂ ಸಹ ಕ್ರಮಿಸಬೇಕಿರುವ ಮಾರ್ಗದ ಬಗ್ಗೆ ಸ್ಪಷ್ಟತೆ ಹೊಂದಿ ಪ್ರೇರಿತರಾಗಿದ್ದಾರೆ.
ಬದುಕಿನ ಒಂದು ದಿನ…
ಫೌಂಡೇಷನ್ನಲ್ಲಿ ವಹಿಸಿಕೊಳ್ಳುವ ಪ್ರತಿಯೊಂದು ಪಾತ್ರವೂ ಹಾಗೂ ಮಾಡುವ ಪ್ರತಿಯೊಂದು ಕೆಲಸವೂ ಸಹ, ಸಾಮಾಜಿಕವಾಗಿ ಜಾಗರೂಕವಾಗಿರುವ ಹಾಗೂ ಸಾಂಸ್ಕೃತಿಕವಾಗಿ ವೈವಿಧ್ಯಮಯ ಹಿನ್ನೆಲೆಗಳುಳ್ಳ ಉದ್ಯೋಗಿಗಳ ಜೊತೆ ಕೆಲಸ ಮಾಡುವ ಹೆಚ್ಚುವರಿ ಪ್ರೋತ್ಸಾಹಕದೊಂದಿಗೆ ಬರುತ್ತದೆ. ಈ ಅನುಭವಕ್ಕೆ ತೆರೆದುಕೊಳ್ಳುವುದು ನಮ್ಮ ಸದಸ್ಯರುಗಳಿಗೆ ಒಂದು ಅನನ್ಯವಾದ ಜೀವನ ಕೌಶಲಗಳು ಹಾಗೂ ದೃಷ್ಟಿಕೋನವನ್ನು ನೀಡುತ್ತದೆ.
ಈ ವಿಭಾಗದ ಮೂಲಕ ನಾವು ನಮ್ಮೊಡನೆ ಕೆಲಸ ಮಾಡುವ ಹಲವಾರು ಜನರನ್ನು ಭೇಟಿಯಾಗಿ ಅವರ ಕೆಲಸದ ದಿನವೊಂದು ಹೇಗಿರುತ್ತದೆ ಎಂಬ ಬಗ್ಗೆ ಒಂದು ಸ್ಥೂಲನೋಟವನ್ನು ಪಡೆದುಕೊಳ್ಳುತ್ತೇವೆ. ಇದು ಅವರ ಜಗತ್ತು, ಅವರ ಪ್ರಪಂಚ, ಕೆಲಸ, ಕಲಿಕೆಗಳು ಹಾಗೂ ಅವರ ಅನುಭವಗಳ ಕುರಿತು ಇದು ಒಂದು ಅರಿವಿನ ಕಿಂಡಿಯಾಗಿದೆ.
ಹುಡುಕಿ ಮತ್ತು ಕೆಲಸಗಳಿಗೆ ಅರ್ಜಿ ಸಲ್ಲಿಸಿ
ನಿಮ್ಮ ಕೌಶಲಗಳು ಹಾಗೂ ಉದ್ದೇಶಕ್ಕೆ ಸೂಕ್ತವಾಗಿ ಹೊಂದುವ ಉದ್ಯೋಗವನ್ನು ಕಂಡುಕೊಳ್ಳಿ. ಕೇತ್ರ ಘಟಕ, ಆರೋಗ್ಯ, ಅನುದಾನಗಳು, ಜೀವನೋಪಾಯಗಳು, ವಿಶ್ವವಿದ್ಯಾಲಯ ಮತ್ತು ಎನೇಬ್ಲಿಂಗ್ ಫಂಕ್ಷನ್ಗಳಲ್ಲಿ ಇರುವ ಹಲವು ಅವಕಾಶಗಳನ್ನು ನೋಡಿ ಅರ್ಜಿ ಸಲ್ಲಿಸಿ.
Field, Health, Grants, Livelihoods, University and Enabling Functions
Azim Premji Scholarship
ಅನುಮೋದನೆ
"Joining the Foundation’s Health team has been an enriching experience. I have explored diverse community healthcare models across states, gaining valuable insights. The Foundation fosters teamwork and offers vast opportunities to make a meaningful impact on the health of people."

"I’ve been with the Foundation since September 2023, and it’s been a great working experience. The work culture is excellent, giving me the freedom to tackle challenges at the Primary Health Center (PHC) I am assigned to in a meaningful way. This freedom has helped me learn and grow a lot."

ಫೌಂಡೇಷನ್ ಅನ್ನು ಸೇರಿಕೊಂಡಿದ್ದು ನನಗೊಂದು ಬದುಕನ್ನೇ ಬದಲಾಯಿಸುವ ಅನುಭವವಾಗಿದೆ. ಮೊದಲನೆಯ ದಿನದಿಂದಲೂ ನಾನು ಬುಡಕಟ್ಟು ಜನರಿಗಾಗಿ ಪ್ರಾಥಮಿಕ ಆರೋಗ್ಯ ಸೇವೆಯನ್ನು ಉತ್ತಮಪಡಿಸುವುದರಲ್ಲಿ ಮುಳುಗಿ ಹೋಗಿದ್ದೇನೆ. ಕೇವಲ ಬದ್ಧತೆಯನ್ನು ಹೊಂದಿರುವುದಲ್ಲದೆ, ಎಲ್ಲರಿಗೂ ಉತ್ತಮ ಆರೋಗ್ಯವನ್ನು ಒದಗಿಸುವ ಗುರಿಯೊಂದಿಗೆ ನಿರಂತರವಾಗಿ ಮುನ್ನಡೆಯುತ್ತಿರುವ ತಂಡವೊಂದರ ಭಾಗವಾಗಿರುವುದಕ್ಕೆ ನನಗೆ ಹೆಮ್ಮೆ ಎನಿಸುತ್ತದೆ.

ಆರೋಗ್ಯಕರ ಚರ್ಚೆಗಳನ್ನು ಮಾಡಲು ಫೌಂಡೇಷನ್ ಒಂದು ಸುರಕ್ಷಿತವಾದ ಜಾಗವಾಗಿದೆ. ಇಲ್ಲಿ ಎಲ್ಲರನ್ನೂ ಬಹಳ ಗೌರವದಿಂದ ನೋಡುತ್ತಾರೆ, ಮತ್ತು ಕೆಲಸವು ಎಲ್ಲರ ಜೊತೆಗೂಡಿ ಮಾಡುವ ಸ್ವರೂಪದ್ದಾಗಿದೆ. ಫೌಂಡೇಷನ್ಗೆ ಸೇರಿದ ಮೇಲೆ ನನಗೆ ಸೋಮವಾರಗಳಂದು ಮತ್ತೆ ಕೆಲಸಕ್ಕೆ ಬರಲು ಬೇಜಾರೇ ಆಗಿಲ್ಲ!

ನಾಗರಿಕ ಸಮಾಜ ಸಂಸ್ಥೆಗಳನ್ನು ಭೇಟಿ ಮಾಡಲು ನಾನು ಕೆಲಸದ ಮೇಲೆ ದೇಶದ ಮೂಲೆ ಮೂಲೆಗೂ ಹೋಗುತ್ತೇನೆ. ಅವರ ಪರಿಣಾಮಕಾರಿ ಕೆಲಸಕ್ಕೆ ಸಾಕ್ಷಿಯಾಗುವುದು ಮತ್ತು ಅವರ ಪಯಣದಲ್ಲಿ ಒಂದು ಚಿಕ್ಕ ಪಾತ್ರ ವಹಿಸುವುದು ನನಗೆ ಒಂದು ಉತ್ತಮ ಕಲಿಕಾನುಭವವಾಗಿದೆ.

