ಅಜೀಂ ಪ್ರೇಮ್‌ಜಿ ಶಾಲೆ, ಕಲಬುರಗಿ

ಪ್ರತಿ ಮಗುವೂ ಕಲಿಯುವ ಸಾಮರ್ಥ್ಯ ಹೊಂದಿದ್ದು, ತನ್ನದೇ ಆದ ಕುತೂಹಲ, ವಿಶಿಷ್ಟವಾದ ಭಾಷಾ ಮತ್ತು ಸಾಂಸ್ಕೃತಿಕ ಸಾಮರ್ಥ್ಯಗಳನ್ನು ಹೊಂದಿರುತ್ತದೆ ಎಂದು ನಾವು ನಂಬುತ್ತೇವೆ. ನಾವು ಮಕ್ಕಳನ್ನು ಗೌರವದಿಂದ ಕಂಡು, ಅವರು ಮುಖ್ಯ ಎಂಬ ಭಾವನೆ ಬರುವಂತೆ ಅವರನ್ನು ನಡೆಸಿಕೊಂಡು ಮತ್ತು ಕಲಿಕಾ ಪ್ರಕ್ರಿಯೆಯಲ್ಲಿ ಅವರು ಸಕ್ರಿಯವಾಗಿ ಭಾಗವಹಿಸುವಂತೆ ಮಾಡಿದಾಗ ಮಕ್ಕಳು ಪ್ರವರ್ಧಿಸುತ್ತಾರೆ. ಅವರು ಅನ್ವೇಷಣೆ, ಅನುಭವ, ಸಂವಾದ, ಚಲನೆ ಮತ್ತು ಸೃಜನಾತ್ಮಕ ಅಭಿವ್ಯಕ್ತಿಯ ಮೂಲಕ ವಿಭಿನ್ನ ಮಾರ್ಗಗಳಲ್ಲಿ ಜ್ಞಾನವನ್ನು ಗಳಿಸುತ್ತಾರೆ. ಬಹಳಷ್ಟು ಸಾರಿ ಅವರು ತಮ್ಮ ಸಹಪಾಠಿಗಳಿಂದಲೂ ಪರಿಣಾಮಕಾರಿಯಾಗಿ ಕಲಿಯುತ್ತಾರೆ. ಪ್ರತಿ ಮಗುವೂ ತನ್ನದೇ ವೇಗದಲ್ಲಿ ಕಲಿಯುತ್ತದೆ ಮತ್ತು ದೈಹಿಕ ಬೆಳವಣಿಗೆಯು ಭಾವನಾತ್ಮಕ ಹಾಗೂ ಬೌದ್ಧಿಕ ಬೆಳವಣಿಗೆಗೆ ಬೆಂಬಲವಾಗಿರುತ್ತದೆ. ಮಕ್ಕಳು ವಿವಿಧ ಸಂದರ್ಭಗಳಿಗೆ ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಾರೆ ಮತ್ತು ಒಂದೇ ಮಗು ಬೇರೆ ಬೇರೆ ಸಮಯಗಳಲ್ಲಿ ಬೇರೆ ಬೇರೆ ರೀತಿಯಲ್ಲಿ ವರ್ತಿಸಬಹುದು ಎಂಬುದನ್ನೂ ನಾವು ಅರ್ಥಮಾಡಿಕೊಂಡಿದ್ದೇವೆ. ಇದು, ಬೋಧನೆ ಮತ್ತು ಕಲಿಕೆಯಲ್ಲಿ, ಒಂದು ನಮ್ಯ, ಪ್ರತಿಸ್ಪಂದನಾತ್ಮಕ ವಿಧಾನದ ಅಗತ್ಯತೆಯನ್ನು ತೋರಿಸುತ್ತದೆ.