ಅತ್ಯಂತ ನ್ಯಾಯಪರ, ನೀತಿಸಮ್ಮತವಾದ, ದಯಾಪರ ಮತ್ತು ಸುಸ್ಥಿರ ಸಮಾಜಕ್ಕಾಗಿ ಕೊಡುಗೆ ನೀಡುವುದು ಅಜೀಂ ಪ್ರೇಮ್ಜಿ ಫೌಂಡೇಷನ್ನ ಕಲ್ಪನೆಯಾಗಿದೆ. ನಮ್ಮ ಅನುದಾನಗಳ ಕಾರ್ಯವು ಈ ಕಲ್ಪನೆಗೆ ಅನುಗುಣವಾಗಿದ್ದು ನಮ್ಮ ಮೂಲ ಮೌಲ್ಯಗಳ ಪ್ರಬಲ ತಳಪಾಯದ ಮೇಲೆ ನಿಂತಿದೆ.
ನಾಗರಿಕ ಸಮಾಜದ ಪರಿಸರವ್ಯವಸ್ಥೆಯಲ್ಲಿ ಸ್ಪಂದನೆಯನ್ನು ಬೆಳೆಸಿ, ಅತ್ಯಂತ ದುರ್ಬಲ ಮತ್ತು ಅಮುಖ್ಯೀಕರಿಸಿದ ಸಮುದಾಯಗಳ ಸಮಾಜೋ-ಆರ್ಥಿಕ ಬೆಳವಣಿಗೆಯ ಸವಾಲುಗಳನ್ನು ಬಗೆಹರಿಸುವುದಕ್ಕಾಗಿ ಕೊಡುಗೆ ನೀಡಲು ಆಸಕ್ತರಾದ, ಹೊಸ ವಿಚಾರಗಳನ್ನು ಹೊಂದಿರುವ ಹೊಸ ಜನರಿಗೆ ಶಕ್ತಿಯನ್ನು ಒದಗಿಸುವುದು ನಮ್ಮ ಗುರಿಗಳಲ್ಲಿ ಒಂದಾಗಿದೆ. ಅರುಣಾಚಲ ಪ್ರದೇಶ, ಅಸ್ಸಾಂ, ಮಣಿಪುರ, ಮಿಜೋರಾಂ, ನಾಗಲ್ಯಾಂಡ್, ಜಾರ್ಖಂಡ್, ಒಡಿಶಾ, ಉತ್ತರಾಖಂಡ ಮತ್ತು ಕರ್ನಾಟಕದ ಈಶಾನ್ಯ ಜಿಲ್ಲೆಗಳಲ್ಲಿ (ಬಾಗಲಕೋಟೆ, ಬಳ್ಳಾರಿ, ಬೀದರ್, ಕಲಬುರ್ಗಿ, ಕೊಪ್ಪಳ, ರಾಯಚೂರು, ವಿಜಯಪುರ, ವಿಜಯನಗರ ಮತ್ತು ಯಾದಗಿರಿ) ದುರ್ಬಲ ಮತ್ತು ಅಮುಖ್ಯೀಕರಿಸಿದ ಸಮುದಾಯಗಳೊಂದಿಗೆ ನೇರವಾಗಿ ಕೆಲಸ ಮಾಡುತ್ತಿರುವ ಸಂಸ್ಥೆಗಳನ್ನು ಇತ್ತೀಚೆಗಷ್ಟೇ ತೆರೆದವರಿಗೆ ನಾವು ನೆರವನ್ನು ಒದಗಿಸಲು ಇಚ್ಛಿಸುತ್ತೇವೆ.
ಒಂದನೇ ಮಾರ್ಚ್ 2019ರಂದು ಅಥವಾ ನಂತರ ನೋಂದಾಯಿಸಲ್ಪಟ್ಟ ಆರಂಭಿಕ ಹಂತದ ಸಂಸ್ಥೆಗಳಿಗೆ ಸಣ್ಣ ಪ್ರಮಾಣದ ಅನುದಾನದ ಮೂಲಕ ನೆರವನ್ನು ಒದಗಿಸುವುದು ನಮ್ಮ ಉದ್ದೇಶವಾಗಿದೆ. ಈ ಹಂತದಲ್ಲಿ ಸಂಸ್ಥೆಗಳು ಹಣಕಾಸಿನ ನೆರವನ್ನು ಪಡೆಯಲು ಹೋರಾಡಬೇಕಾಗುತ್ತದೆ ಹಾಗೂ ಈ ಕಾರಣದಿಂದಾಗಿ ನಾವಿನ್ಯತೆ ಮತ್ತು ಹೊಸ ಚೈತನ್ಯವನ್ನು ಪಡೆಯುವ ಸಾಧ್ಯತೆಗೆ ಹಿನ್ನಡೆ ಉಂಟಾಗುತ್ತದೆ. ಈ ನೆರವು ಅವರಿಗೆ ಪ್ರಯೋಗವನ್ನು ಕೈಗೊಳ್ಳಲು, ಮಧ್ಯಸ್ಥಿಕೆ ವಿನ್ಯಾಸ ಮತ್ತು ಯೋಜನೆಗಳನ್ನು ಶೋಧಿಸಲು, ಜನರ ಬದುಕಿನಲ್ಲಿ ಆರಂಭಿಕ ಪರಿಣಾಮಗಳನ್ನು ತೋರಿಸಲು, ಮತ್ತು ಅವರ ಸಾಂಸ್ಥಿಕ ಹಾಗೂ ಆರ್ಥಿಕ ವ್ಯವಸ್ಥೆಗಳು ಮತ್ತು ಪ್ರಕ್ರಿಯೆಗಳನ್ನು ಬಲಪಡಿಸಲು ಸಹಕರಿಸಲಿದೆ.
ನೀವು ಈಗಾಗಲೇ ಸಾಮಾಜಿಕ ವಲಯದಲ್ಲಿ ತೊಡಗಿಸಿಕೊಂಡವರಾಗಿರಬೇಕು (ವೈಯಕ್ತಿಕವಾಗಿ ಅಥವಾ ಸಣ್ಣ ಗುಂಪಿನಲ್ಲಿ) ಮತ್ತು ಕಳೆದ ಕೆಲವು ವರ್ಷಗಳಲ್ಲಿ ಸ್ವಯಂಪ್ರೇರಿತವಾಗಿ ಬದ್ಧತೆ ಮತ್ತು ಪ್ರಯತ್ನವನ್ನು ಪ್ರದರ್ಶಿಸಿರಬೇಕು.
ಅರ್ಹತೆಯ ಮಾನದಂಡ:
ಕೆಳಗಿನ ಮಾನದಂಡಗಳನ್ನು ಈಡೇರಿಸುವ ಸಂಸ್ಥೆಗಳು ಅರ್ಜಿ ಸಲ್ಲಿಸುವ ಅರ್ಹತೆಯನ್ನು ಹೊಂದಿವೆ:
- ಒಂದನೇ ಮಾರ್ಚ್ 2019ರಂದು ಅಥವಾ ನಂತರ (ನೋಂದಣಿಯಿಂದ ಶೂನ್ಯದಿಂದ 5 ವರ್ಷಗಳು) ಸೊಸೈಟಿ / ಟ್ರಸ್ಟ್ / ಸೆಕ್ಷನ್ 8 ಕಂಪನಿಯಾಗಿ ನೋಂದಾಯಿಸಲ್ಪಟ್ಟಿರಬೇಕು.
- ಊರ್ಜಿತ 12A ಹೊಂದಿರಬೇಕು.
- ವಾರ್ಷಿಕ ಸರಾಸರಿ ರೂ. 25 ಲಕ್ಷ ಅಥವಾ ಅದಕ್ಕಿಂತ ಕಡಿಮೆ ವೆಚ್ಚವನ್ನು ಹೊಂದಿರಬೇಕು.
- ದುರ್ಬಲ ಅಥವಾ ಅಮುಖ್ಯೀಕರಿಸಿದ ಸಮುದಾಯದೊಂದಿಗೆ ನೇರವಾಗಿ ತೊಡಗಿಸಿಕೊಂಡಿರಬೇಕು.
- ನೇರವಾಗಿ ಶಿಕ್ಷಣ ಅಥವಾ ಆರೋಗ್ಯ ಕ್ಷೇತ್ರದಲ್ಲಿ ಕೆಲಸ ಮಾಡುವವರು ಆಗಿರಬಾರದು (ಉದಾಹರಣೆಗೆ, ದುರ್ಬಲ ಸಮುದಾಯದ ಮಕ್ಕಳಿಗಾಗಿ ಶಾಲೆಗಳು ಅಥವಾ ಕೋಚಿಂಗ್ ಕೇಂದ್ರಗಳನ್ನು ನಡೆಸುವುದು; ಒಳನಾಡಿನ ಅಥವಾ ಹಿಂದುಳಿದ ಪ್ರದೇಶಗಳಲ್ಲಿ ಆರೋಗ್ಯ ಕೇಂದ್ರಗಳನ್ನು ನಡೆಸುವುದು). ಈ ಕಾರ್ಯಕ್ಷೇತ್ರಗಳಲ್ಲಿ ನಾವು ನೆರವನ್ನು ಒದಗಿಸುವುದಿಲ್ಲ.
- ಸಾಮಾಜಿಕ ಉದ್ಯಮಗಳಾಗಿರಬಾರದು.
- ಫೌಂಡೇಷನ್ನ ಈಗಿನ ಅಥವಾ ಹಿಂದಿನ ಪಾಲುದಾರರು ಅಥವಾ ಅನುದಾನಕ್ಕಾಗಿ ಈಗಾಗಲೇ ಪರಿಗಣನೆಯಲ್ಲಿರುವವರು ಆಗಿರಬಾರದು.
ಅರ್ಜಿ ಪ್ರಕ್ರಿಯೆ ಮತ್ತು ಸಮಯಾವಧಿ:
ಅರ್ಹ ಮತ್ತು ಆಸಕ್ತಿ ಸಂಸ್ಥೆಗಳು ಈ ಕೆಳಗಿನಂತೆ ಅರ್ಜಿ ಸಲ್ಲಿಸಬಹುದು:
- https://appi.fluxx.io/apply/registration ಮೇಲೆ ಕ್ಲಿಕ್ ಮಾಡಿ ಸೂಚನೆಗಳ ದಾಖಲೆ (instructions document) ಯಲ್ಲಿ ತಿಳಿಸಿರುವ ಹಂತಗಳನ್ನು ಅನುಸರಿಸಿ ನಿಮ್ಮ ಅರ್ಜಿಗಳನ್ನು ಸಲ್ಲಿಸಿ.
ಗಮನಿಸಿ: ‘ನಿಮ್ಮ ಕೆಲಸದ ಕ್ಷೇತ್ರಗಳನ್ನು ಆರಿಸಿ – 1/3*’ – ಇದಕ್ಕಾಗಿ ಡ್ರಾಪ್ ಡೌನ್ ಮೆನ್ಯುವಿನಲ್ಲಿ ‘ES-CSO’ ಆಯ್ಕೆಯನ್ನು (ಕೊನೆಯದ್ದು) ಆರಿಸಲು ಮರೆಯಬೇಡಿ. - ನಿಮ್ಮ ಅರ್ಜಿಯನ್ನು 31 ಮೇ 2024ರ ಒಳಗೆ ಸಲ್ಲಿಸಿರಿ.
ಗಮನಿಸಿ: ಎಲ್ಲಾ ಅರ್ಜಿಗಳನ್ನು, ಅವುಗಳನ್ನು ಸ್ವೀಕರಿಸಿದ ಅನುಕ್ರಮದಲ್ಲಿಯೇ ಪರಿಶೀಲಿಸಲಾಗುವುದು. ಅಂತಿಮ ಪಟ್ಟಿಯಲ್ಲಿ ಸ್ಥಾನ ಪಡೆಯುವ ಅರ್ಜಿದಾರರನ್ನು ಫೌಂಡೇಷನ್ನ ತಂಡವು ಸಂಪರ್ಕಿಸಲಿದೆ.
ಅರ್ಜಿ ಪ್ರಕ್ರಿಯೆಗೆ ಸಂಬಂಧಿಸಿದಂತೆ ಯಾವುದೇ ಪ್ರಶ್ನೆಗಳಿದ್ದಲ್ಲಿ, ದಯವಿಟ್ಟು ಈ ಕೆಳಗೆ ನೀಡಿರುವ ಸಂಪರ್ಕ ವಿವರಗಳ ಮೂಲಕ ನಮ್ಮ ಪಾಲುದಾರ ನೆರವು ತಂಡವನ್ನು ಸಂಪರ್ಕಿಸಿ:
ಸಹಾಯವಾಣಿ: 080-47178617 (ಸೋಮವಾರದಿಂದ ಶುಕ್ರವಾರದ ತನಕ, ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 5 ಗಂಟೆಯ ತನಕ),
ಇಮೇಲ್: [email protected]
